Аңдатпа
Мақалада TPACK моделіне негізделген жасанды интеллектіні (ЖИ) білім беру үдерісіне енгізудің ерекшеліктеріне байланысты бірқатар мәселелер қарастырылады. Зерттеу кешенді сипатқа ие және білім беруде ЖИ қолданудың мүмкіндіктері мен шектеулерін айқындауға, сондай-ақ оны TPACK моделі арқылы интеграциялау ерекшеліктерін талдауға бағытталған.
Жұмыс аясында білім беру саласында ЖИ мен TPACK моделін қолдануға арналған заманауи зерттеулерге шолу жасалды. Әлемнің түкпір-түкпірінде білім беру саласында жасанды интеллект қарқынды жүзеге асырылуда. Жасанды интеллектті пайдаланудың артықшылықтары белгіленді, оны білім беру ортасында орталықтандыру кезінде ескеру қажет кейбір қажетті тұжырымдар атап өтілді. Мақалада TPACK моделінің әр компонентінің контекстінде қолданудың кейбір ерекшеліктері көрсетілген. Білім беру тәжірибесінде ЖИ сәтті қолданудың мысалдары келтірілді.
Сауалнама нәтижелері ЖИ-ді TPACK моделі арқылы білім беру үдерісіне интеграциялауға байланысты мүмкіндіктер мен проблемаларды анықтауға мүмкіндік берді. Атап айтқанда, студенттердің ЖИ мүмкіндіктері туралы хабардарлығы педагогтарға қарағанда жоғары екені, ал педагогтардың кәсіби білімдеріне деген сенімділігі көбірек екені белгілі болды. Сондай-ақ ЖИ-ді білім беру тәжірибесінде қолдануға ішінара дайындық, негізгі кедергілер және болашақта оны дұрыс енгізген жағдайда тиімділігіне деген сенім анықталды.
Мақалада TPACK моделі тұрғысынан жасанды интеллектіні білім беру жүйесіне енгізу бағдарламасы ұсынылды. Эксперимент нәтижелері ЖИ қолданудың студенттердің үлгеріміне, мотивациясына және материалды меңгеру сапасына оң әсер ететіні туралы гипотезаны растады, бұл TPACK моделі жағдайында ЖИ-ді білім беру үдерісіне интеграциялаудың мақсатқа сай екенін дәлелдейді.
Оқыту технологияларын әзірлеушілерге арналған практикалық ұсынымдар дайындалып, мұндай шешімдерді құру және енгізу кезеңінде педагогтармен тығыз ынтымақтастық орнату қажеттілігі көрсетілді.