Аңдатпа
Бұл зерттеу мұғалімдерді мамандықта қалдыру мәселесін қарастырады, себебі кадрлардың жиі ауысуы мектептердің тұрақтылығына және оқыту сапасына теріс әсер етеді. Мақаланың мақсаты – мұғалімдердің ішкі мотивациясы олардың ұзақ мерзімді кәсіби жоспарларына қалай ықпал ететінін эмпирикалық тұрғыдан бағалау. Қазақстан мұғалімдері арасында жүргізілген сауалнама деректері негізінде бес санаттағы жоспарланған еңбек өтілін бағалау үшін тәртіптелген логит-модель және он жылдан астам жұмыс істеу ықтималдығын анықтау үшін бинарлы логит-модель қолданылды. Әрбір мотивациялық фактор жеке қарастырылып, жеке, мектептік және сыртқы сипаттамалар бақылауға алынды. Нәтижелер көрсеткендей, балалардың дамуына ықпал ету және қоғамға үлес қосу сияқты ішкі, әлеуметтік бағытталған мотивтер ұзақ мерзімде қызмет етуниетінің артуымен айтарлықтай байланысты, ал кіріс тұрақтылығы немесе икемді кесте сияқты сыртқы мотивтердің әсері байқалмайды. Мұғалім–оқушы қарым-қатынасы, материалдардың сапасы және жас ерекшеліктері де маңызды рөл атқарады. Қорытындысында ішкі мотивацияны дамыту және мектеп ортасын жақсарту мұғалімдерді қалдыруға ықпал ететіні айтылады.